кстати (kcmamu) wrote,
кстати
kcmamu

Categories:

кстати о научных изданиях

Фрагмент из "Про́лога" на 20 сентября.

Обычный шрифт -- по публикации: А. С. Дёмин (ред.), Литературный сборник XVII века Про́лог / В серии «Русская старопечатная литература (XVI — первая четверть XVIII в.)». -- М.: Наука, 1978. -- С. 180--181.

Жирный шрифт -- то, что было заменено отточиями или просто опущено.
В лето шесть тысящь седмьсот четыредесять шестое бысть нахождение безбожнаго царя Батыя на русскую землю гневом Божиим, за умножение грех наших, и разбегшымся всем християном, и князем. Царь же Батый, призывая их лестию, и повеле покланятися идолом, канови и кусту, солнцу и огню. И мнози идоша сквозе огнь и поклонишася идолом, славы ради света сего, и душы своя погубиша. Благоверныма же тогда князю Михаилу и болярину его Феодору пребывающима в Чернигове и видеста многия прельщающыяся славою света сего и бездушным идолом пожершыя и о сем душею поболеста. Има же даде Бог благодать и дар Святаго Духа, еже обличити царя Батыя прелесть, еюже льстит християны. И поведаста отцу своему духовному мысль свою, и просиста у него благословения, еже царя обличити, и пострадати за веру Христову. Он же поучив я доволно от святаго писания, и благословив я, и отпусти с миром.

Князь же Михаил и болярин его Феодор приидоста к царю Батыю. Царь же нуждаше ею поклонитися солнцу и огню. Она же царево повеление преобидеста и идолом его не поклонистася. Царь же рече: "Почто повеление мое преобидеста и богом моим не поклонистася -- солнцу и огню?" Михаил же рече:"Недостойно есть христианом поклонитися твари паче Творца. Мы убо поклоняемся Святей Троице, Отцу и Сыну и Святому Духу, иже есть един Бог творец небу и земли". Мнози же прихождаху к святому Михаилу от своих ему, и моляху его глаголюще: "Сотвори волю цареву". Святый же Михаил никако же преклонися к молению их. Слышав же царь, яко не возможе святаго увещати ласканием словес своих, ни прещением смерти устрашити, ниже слез и моления своих ему молящих послушати ему и сотворити волю цареву. И повеле Батый святаго растягнути за руце и за нозе и бити немилостивно по всему телу его. И на долзе биену святому нещадно, яко и земли кровию его обагритися. Един же от слуг царевых, Доман именем, иже прежде християнин быв, потом же отвергся веры християнския, отреза ножем честную главу святому исповеднику, великому князу Михаилу и отверже ю от тела. Святому же еще оно слово во устех глаголющу: "Християнин есмь".

Потом же начашя глаголити слуги царевы Феодору: "Сотвори поне ты волю цареву и поклонися богом нашым и жив будеши и велику славу от царя приимеши, и господина твоего князя Михаила княжению наследник будеши". Феодор же рече: "Не хощу княжения господина моего великаго князя Михаила, ни славы, юже царь обещавает ми, и богом вашым не поклоняюся, но во Христа единаго творца небу и земли верую, и за нь хощу пострадати, якоже и князь мой". Видевше же убийцы оны непреклонна того пребывающа, абие емше его и немилостивно мучаху, якоже и великаго князя Михаила. Последи же и честную главу его мечем отсекошя, рекше сице: "Яко и солнцу не хотеста поклонитися, на нь же недостойна суща и зрети". И тако пострадаста святая мученика, и благодаряста Христа, предаста святая своя душя в руце Господеви, месяца септеврия в 20 день. Святая же телеса ею повержена быста псом на снедение. На многи же дни лежащима има и благодатию Христовою невреждена пребыста. Богу прославляющу святая своя чюдесы, столп бо огненый явися над телесы ею, сияющ пресветлыми зарями, и свещи на многи нощи горящи зряху. Видевше же то прилучившиися вернии, абие погребошя честная ею телеса, благодаряще Бога прославляющаго святыя своя.
Tags: ц.-сл.
Subscribe

  • Жизнь и ловля

    Вот есть такая книжка (картинка щелкабельна), выдержавшая множество изданий:

  • (no subject)

    (Предупреждение: при нажатии на нижнюю картинку оно запоет.)

  • национальное по форме

    Рижский завод: Ташкентский завод: Апрелевский завод: Ленинградский завод: Еще Ленинградский завод:

  • Post a new comment

    Error

    default userpic

    Your reply will be screened

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 19 comments

  • Жизнь и ловля

    Вот есть такая книжка (картинка щелкабельна), выдержавшая множество изданий:

  • (no subject)

    (Предупреждение: при нажатии на нижнюю картинку оно запоет.)

  • национальное по форме

    Рижский завод: Ташкентский завод: Апрелевский завод: Ленинградский завод: Еще Ленинградский завод: